ҶОМИ ВОЖГУН
Чор сӯро бингарам, тадбир нест.
Ончи дар ман
монда аз буду набуд,
Ҷуз ҳамин фарёди бетаъсир нест.
Ку, куҷо шуд он ҳама шӯру ҷунун?
Осмон борад агар
оби ҳаёт,
Ҷоми худро ман ниҳодам вожгун.
Дидаро завқи нигаҳ боқӣ намонд.
Мезанад олудагиҳо оташам,
Ташнаи як қатра оби беғашам.
Ногузирам ҷон бибояд
бохтан.
З-ин муҳите, ки «будан»
«олудан» аст,
Боядам аз буд
берун тохтан.
Чун малак берун
парам з-ин хокдон,
Сар ниҳам бар домани
поки Худо,
Чашм барбандам
ба хоби ҷовидон.
Соли 1990
Комментариев нет:
Отправить комментарий
Нигоҳи шумо!