БУЛБУЛ

Чӣ мехонӣ, ту эй булбул? Ҳама такрор мехонӣ,
Ҳамон як достонро ҳар саҳар сад бор мехонӣ.

Агар ман як сухан такрор гӯям, хурда мегиранд,

Касе бо ту намегӯяд, ки аз перор мехонӣ.

Найистонро майистон мекунӣ аз мавҷи овозат,

Расули «Мантиқуттайрӣ»-ю аз Аттор мехонӣ.

Навои Борбадро ҳеч кас чун ту намедонад,

Ҳазорон сол танҳо ту ҳамон адвор мехонӣ.

Ҳама дору дарахт аз нашъаи ту ранг мебандад,

Ту чун Мансур ҳар гаҳ бар фарози дор мехонӣ.

Паре аз каҷкулаҳ ҷаста, сафи мижгон ба ҳам

баста,

Саре бар осмон боло, қаландарвор мехонӣ.

Кӣ медонад, ки оёти Сулаймон аст, ё Довуд?

Кӣ мегӯяд, ки Ясно, ё ки Гоҳанбор мехонӣ?

Ту як мушти парӣ, охир, наметарсӣ, ки дар гирӣ?

Забони шуъла дар минқори оташбор мехонӣ.

Ҳамон донад, ки мушти хоки ту бо хуни ишқ
омехт,

Кадомин роз мегӯӣ, кадом асрор мехонӣ.

Феврали 2010

بلبل

چه می خوانی تو اي بلبل؟ همه تكرار می خوانی

همان يك داستان را هر سحر صد بار می خوانی

اگر من يك سخن تكرار گويم خرده می گيرند

كسی با تو نمي گويد كه از پيرار می خوانی

نيستان را ميستان می كنی از موج آوازت

رسول منطق الطيری و از عطار می خوانی

همه دارو درخت از نشأی تو رنگ می بندد

تو چون منصور هر گه بر فراز دار می خوانی

نوای باربد را هيچ كس چون تو نمي داند

هزاران سال تنها تو همان ادوار مي خوانی

که می داند که آیات سلیمان است یا داوود

که می گوید که یسنا یا که گاهنبار می خوانی

پری از كج كله جسته صف مژگان به هم بسته

سری بر آسمان بالا قلندروار مي خواني

تو يك مشت پری آخر نمی ترسی كه در گيری 

زبان شعله در منقار آتشبار می خوانی

همان داند كه مشت خاك تو با خون عشق آميخت 

كدامين راز می گوی كدام اسرار مي خوانی.

Р.Ваххоб