ХАМӮШӢ
Оҳанги камол камхурӯшист,
Фарёд нишони хомҷӯшист.
Чун теғ бараҳна гашта олам,
Фахри ману ту зи жандапӯшист.
То мушти замона оҳанин аст,
Мифтоҳи наҷот сахткӯшист.
Бекории халқ бебаҳо нест,
Ҷуброни ҳама гаронфурӯшист.
Метарсӣ агар зи бехгӯшӣ,1
Кам гӯ сухане, ки бехгӯшист.
Ин хома ба рӯйи дафтари ман
Ангушти ишорати хамӯшист.
Бехгўшӣ – 1)шаппотӣ 2)гӯшакӣ.
Комментариев нет:
Отправить комментарий
Нигоҳи шумо!