РУСТАМ ВАҲҲОБ
Аз камони ҳафтрангу обшори орзуҳо
Қомати хам монду чашми ашкбори орзуҳо.
Сар ба неши сахра зад хуршед ҳангоми ғурубаш,
Нест Фарҳоде дигар дар кӯҳсори орзуҳо.
Умр бо лабханд бигзашт аз канорам дастафшон,
Дид чун беҳудаам дар интизори орзуҳо.
Пойкӯбон то саҳаргаҳ рӯйи боми ман бирақсанд,
Душмани одам мабодо ҳамҷавори орзуҳо.
Оҳ, бас беҳуда мегӯям, на ман монам на ин дил,
Як сари мӯ гар шавам дур аз мадори орзуҳо
Комментариев нет:
Отправить комментарий
Нигоҳи шумо!