АССАЛО
Ассало, эй шабнишинон, нурро бовар кунед,
Сайҳаи бепардаи Мансурро бовар кунед.
Ассало, эй шабнишинон, нурро бовар кунед,
Сайҳаи бепардаи Мансурро бовар кунед.
Хок аз ҷону дили ток ашкафшорӣ кунад,
Нашъаи хуни дили ангурро бовар кунед.
Нашъаи хуни дили ангурро бовар кунед.
Нест бе хуни ҷигар нохуни мутриб
лолагун,
Гоҳ-гоҳе нолаи танбӯрро бовар кунед.
Гоҳ-гоҳе нолаи танбӯрро бовар кунед.
Ёд доред аз ғурубе, ки тулуъ аз пай
надошт?
Сӯг поён мепазирад, сурро бовар кунед.
Сӯг поён мепазирад, сурро бовар кунед.
То нафас боқист, бар бурҷи умед аст ин
каманд,
То ситора медурахшад, дурро бовар кунед.
То ситора медурахшад, дурро бовар кунед.
Шоҳи Тирандозро1 то такя бар пойи худ
аст,
Покбозиҳои ин мағрурро бовар кунед.
Покбозиҳои ин мағрурро бовар кунед.
Нашри Фардо дар навори офтоб омода аст,
Субҳ наздик аст, ин маншурро бовар кунед.
Субҳ наздик аст, ин маншурро бовар кунед.
_______
1.Шоҳи Тирандоз – номи яке аз қуллаҳои Тоҷикистон.
1.Шоҳи Тирандоз – номи яке аз қуллаҳои Тоҷикистон.
Комментариев нет:
Отправить комментарий
Нигоҳи шумо!